好多家庭换咗电子锁之后，觉得方便晒，指纹、密码、手机开锁就搞掂，渐渐将实体锁匙收埋甚至遗失。但你知道吗？几乎所有合规电子锁都保留咗机械锁匙孔，而呢条锁匙，就系你喺突发情况下唯一可靠慨后备方案。今日等我哋同你解释，点解用电子锁依然要随身带实体锁匙。
电子锁依靠电池运作，就算系旗舰型号，电池总有耗尽一日。多数电子锁会提前发出低电量提示，但如果你出差几个星期返嚟、或者冇留意警示，电池突然耗尽——冇电就冇办法用指纹、密码、蓝牙开锁。
此时唯一慨入门方法就系用实体锁匙。部分型号设有外接USB紧急供电，但如果冇带尿袋、充电线或者接口损坏，仍然要靠锁匙。所以，带锁匙 = 确保你永远唔会被锁喺门外。
任何电子产品都有机会坏。电子锁慨感应器、主板、马达摩打可能因为潮湿、静电、老化、雷击而突然失灵。指纹辨识失败、密码面板冇反应、蓝牙连线中断——呢啲情况喺开锁师傅日常工作中唔罕见。
当电子系统完全死机，唯一物理性开启方法就系用机械锁匙。保留锁匙等于俾自己一条后路，唔使等到半夜三更冇人整锁嗰阵求救无门。
迷思一：「电子锁有后备充电口，所以唔需要锁匙。」
事实：充电口需要自备USB线及充电宝，而且部分型号只支援9V方型电池应急，冇带一样冇用。锁匙系最好既方案。
迷思二：「我可以打电话叫开锁师傅开锁。」
事实：电子锁坏咗要叫开锁师傅，不但浪费时间及金钱。有锁匙就悭返几百蚊甚至上千蚊开锁费。
正确做法： 将电子锁附带慨机械锁匙放喺「可靠慨备用位置」——例如放喺办公室抽屉、家人屋企、或者车里面。如果担心家居安全，亦可将锁匙交畀信任慨邻居保管。总之，永远唔好将所有锁匙收埋到连自己都搵唔到慨地方。
电子锁带来慨便利无庸置疑，但再稳定慨电子产品都有机会失灵。一把可靠慨机械锁匙，体积细小、无需电力、不受电子干扰，喺你面对无电、坏机、天灾时，系最直接、最安心慨解决方案。
101开锁提提你： 记住将电子锁锁匙当作「救生圈」，放喺适当慨备用位置，出门前确认有带后备匙（尤其去旅行或长时间离家）。
仲有疑问？立即联络专人解答
