101開鎖 | 三星電子鎖開唔到門・專業自救指南與維修

一、三星電子鎖在香港極普及，但突然開唔到點算？

三星智能電子鎖（Samsung Digital Door Lock）憑藉時尚設計同方便性，已經成為香港新樓及裝修嘅主流選擇。不過電子鎖始終依賴電力同電子零件，突然開唔到門嘅情況時有發生——多數唔係壞咗，而係電池冇電、鎖左機或設定錯誤。只要掌握正確步驟，好多問題可以即時解決，唔使搵開鎖師傅幫手。

 常見原因：
電池耗盡或電壓不足（約70%案例）
指紋感應器污糟或手指太濕/太乾
鎖機
鎖舌機械卡死（門框變形或天氣影響）

保持冷靜，跟住以下順序檢查，有機會自己開到門，唔使等師傅。

搵出備用機械鑰匙 — 絕大部分三星電子鎖都有隱藏式機械鎖匙孔，通常喺鎖體底部或滑蓋下面。用後備鎖匙直接開門係最穩妥嘅方法。建議平時將後備鎖匙放喺可靠親友屋企或辦公室。
使用9V電池/尿袋緊急供電 — 去便利店買一粒9V鹼性電池/租借叉電尿袋。如果係由9V電池提供緊急電源，搵兩個金屬接觸點，將電池正負極貼緊該兩個觸點，維持5-10秒;如果係由尿袋提供緊急電源，搵叉電位後插入叉電。聽到音樂聲一聲後立即用已登記密碼，指紋同拍卡開鎖。入屋後立即更換全部8粒新嘅鹼性電池。

重要提醒： 如果鎖匙可以扭動但無法開門、或者鎖匙扭動後卡死，即係鎖體內部零件可能故障。切勿強行扭動，否則可能損壞鎖體，應立即聯絡101開鎖鎖匠。

重要提醒： 如果鎖匙可以直接繞過電子部分，帶動鎖體開門，所以即使使用電子鎖，仍然建設客人帶上應急鎖匙，避免電子鎖因為電子部分有問題而無法入屋。

故障現象	可能原因	自救/維修建議
完全冇聲冇燈，面板全黑	電池耗盡 / 鎖機	優先使用應急鎖匙直接開門如果冇鎖匙，請用9V電池或尿袋緊急供電開門，入屋後換新電池
顯示電量提示燈	電量極低，摩打推唔到方閂	優先使用應急鎖匙直接開門如果冇鎖匙，請用9V電池或尿袋緊急供電開門，入屋後換新電池
顯示「UNLOCK」但未能開門	斜利唔識變軟	無法自行處理，請聯絡101開鎖
輸入密碼後顯示「TRY AGAIN」	密碼錯誤或感應面板污糟	請輸入正確密碼/使用應急鎖匙
使用匙卡後顯示「TRY AGAIN」	匙卡未有登記	請使用已登記既匙卡/使用應急鎖匙
使用指紋後顯示「TRY AGAIN」	手紋花左或感應面板污糟	請使用密碼，已登記既匙卡/使用應急鎖匙
門外鎖匙扭唔到／插唔入	細匙筒移位或異物阻塞	輕輕搖動鎖匙，唔好暴力；若果依然插唔入，找101開鎖鎖匠處理
室內反鎖制失效 / 無法反鎖	內部機械結構卡死	嘗試拉動門板同時扭動鎖制，若無法解決需拆檢鎖體
關門後不會自動上鎖	關閉左自然上鎖功能	打開電池蓋，將A/M按鈕調整去A位置
經常低電量警告（換電一兩個月就冇電）	電池品質差或底板有問題	使用Energizer勁量鹼性電池；若仍快速耗電，代表底板有問題，需維修/換鎖

                電池一定要用鹼性電
建議：只使用高品質鹼性電池（勁量、金霸王），嚴禁混合新舊電池或不同牌子，否則容易漏液腐蝕電路板，甚至令鎖報廢。

保持感應器清潔
用柔軟乾布定期擦拭指紋讀頭及密碼鍵盤，唔好用酒精或清潔劑，以免損害塗層。

 後備機械鎖匙一定要帶
建議平時一定要鎖匙跟身。如果真係唔想帶鎖匙，可以考慮將後備鎖匙放喺可靠親友屋企或車上。當電子鎖有問題可以靠應急鎖匙入屋，避免浪費金錢搵開鎖師傅。

 鎖體部件切勿自行拆解
鎖體部件一旦拆壞好難還原，加上有保養貼紙保護拆開鎖體既螺絲，一旦貼紙被破壞，會失去保養。

九龍塘 · 又一居

電池漏水導致完全死機

事主求助： 三星鎖突然冇反應完全開唔到門。

101開鎖鎖匠上門開鎖後檢查發現舊電池漏電池水腐蝕底主板，結果需更換新電子鎖。

荃灣 · 荃灣中心

匙卡無法開門

開唔到原因： 使用匙卡後顯示「TRY AGAIN」

客人曾經重設電子鎖，但之後只登記番密碼，冇做到匙卡登記。101開鎖鎖匠上門開鎖後重新為客人登記匙卡。

資料只供參考，本公司不會為客人自行操作或判斷所引致的損失負責。如不確定故障原因，建議即時聯絡101開鎖。

我哋熟悉Samsung全系列電子鎖（DP系列、P系列、SHP系列），可提供快速上門維修、開鎖鎖及更換服務。絕大部分情況可無損開鎖，唔使破壞門身。24小時緊急支援，即日解決問題。

香港總代理PLC集團:三星電子鎖服務熱線：27659667 / 技術支援熱線:23306979。

如需緊急開鎖或維修，101開鎖提供24小時支援，最快半小時到達。