市場現象： 近年有大量客人從傳統機械鎖轉換成電子鎖（如飛利浦、耶魯、Panasonic、施耐德、樂信、鹿客、小米 等品牌）。電子鎖廠商為咗吸引用戶，同時確保安裝後門上唔會留有空隙，通常會將電子鎖嘅前後版面設計得比一般機械鎖更大。呢個做法可以完美覆蓋門上原有機械鎖嘅開窿位置，令外觀更整潔，亦減少因為門洞而影響選購意欲。

不過，當呢啲用家日後想「還原」返做機械鎖（例如唔再習慣電子操作、擔心電池問題、或者維修成本較高）希望轉返做傳統機械鎖，一了百了既時候，就會面對一個現實問題：門上已經因為安裝電子鎖而開多咗幾個螺絲窿，而且原有嘅開窿範圍可能比標準機械鎖大。市面上一般機械鎖嘅面板尺寸較細（大約 240mm x 60mm 或更小），根本遮唔住電子鎖留低嘅痕跡，導致門面出現幾個明顯嘅舊窿-「遮極都遮唔住」，大大限制咗用家嘅選擇。

101開鎖嘅專業見解： 還原機械鎖嘅關鍵，就係要搵一款「加大面板、加長設計」嘅機械鎖，能夠完全覆蓋電子鎖安裝時所產生嘅所有窿洞同埋壓印，唔需要額外做門板修補或噴漆，慳時間亦更美觀。