定期清潔地鎖鎖口
防止沙石・斷髮・灰塵卡死｜鎖匙開唔到嘅元兇
常見卡死原因
地鎖嘅鎖口長期暴露而且向天，好容易積聚灰塵、細小沙石、頭髮絲、寵物毛髮等雜物。當呢啲異物進入地下既鎖口，會阻塞地鎖既正常開關，導致門閂插唔到底、轉動困難甚至完全卡死。
高風險位置
- 近門口地墊、鞋櫃附近（多沙塵）
- 有養寵物嘅家庭（毛髮飄入鎖孔）
- 近馬路或建築地盤（沙塵量大）
- 打掃時將異物推進鎖口
- 露天/室外公眾地方
清潔工具準備
- 掃把 – 掃走地面灰塵
- 吸塵機 – 吸走鎖口內異物
- 一字批/毛細刷 – 挑出鎖口內明顯既頭髮/沙石異物
- 鎖匙 – 最後測試順暢度
建議清潔頻率
- 近馬路/地盤：每月一次或更密
- 養寵物家庭：每 2 個月一次
- 鎖匙開始覺得「緊」或「卡」：即時清潔
正確清潔地鎖鎖口 四個步驟
- 第一步：掃走表面灰塵 – 用掃把走掃走地面灰塵，避免灰塵進一步進入地下鎖口。
- 第二步：挑出明顯異物 – 用一字批輕輕挑出肉眼見到嘅頭髮、棉絮、沙粒。
- 第三步：吸塵機 – 用吸塵機吸走鎖口內異物直到乾淨。
- 第四步：插入鎖匙來回轉動 – 將鎖匙插入測試，再輕輕左右轉動上鎖及開鎖，確保鎖體正常。
101開鎖・門鎖保養專家
定期清潔鎖口係最簡單又最有效延長門鎖壽命嘅方法。我哋每日都接到因為鎖口卡死而求助嘅個案，其實只要每季花幾分鐘清潔，就可以避免大部分「有鎖匙都開唔到門」嘅尷尬情況。如果你嘅鎖已經卡死，或者想搵人做全面門鎖保養，歡迎聯絡101開鎖。
