好多家庭換咗電子鎖之後，覺得方便晒，指紋、密碼、手機開鎖就搞掂，漸漸將實體鎖匙收埋甚至遺失。但你知道嗎？幾乎所有合規電子鎖都保留咗機械鎖匙孔，而呢條鎖匙，就係你喺突發情況下唯一可靠嘅後備方案。今日等我哋同你解釋，點解用電子鎖依然要隨身帶實體鎖匙。
電子鎖依靠電池運作，就算係旗艦型號，電池總有耗盡一日。多數電子鎖會提前發出低電量提示，但如果你出差幾個星期返嚟、或者冇留意警示，電池突然耗盡——冇電就冇辦法用指紋、密碼、藍牙開鎖。
此時唯一嘅入門方法就係用實體鎖匙。部分型號設有外接USB緊急供電，但如果冇帶尿袋、充電線或者接口損壞，仍然要靠鎖匙。所以，帶鎖匙 = 確保你永遠唔會被鎖喺門外。
任何電子產品都有機會壞。電子鎖嘅感應器、主板、馬達摩打可能因為潮濕、靜電、老化、雷擊而突然失靈。指紋辨識失敗、密碼面板冇反應、藍牙連線中斷——呢啲情況喺鎖匠日常工作中唔罕見。
當電子系統完全死機，唯一物理性開啟方法就係用機械鎖匙。保留鎖匙等於俾自己一條後路，唔使等到半夜三更冇人整鎖嗰陣求救無門。
迷思一：「電子鎖有後備充電口，所以唔需要鎖匙。」
事實：充電口需要自備USB線及充電寶，而且部分型號只支援9V方型電池應急，冇帶一樣冇用。鎖匙係最好既方案。
迷思二：「我可以打電話叫鎖匠開鎖。」
事實：電子鎖壞咗要叫鎖匠，不但浪費時間及金錢。有鎖匙就慳返幾百蚊甚至上千蚊開鎖費。
正確做法： 將電子鎖附帶嘅機械鎖匙放喺「可靠嘅備用位置」——例如放喺辦公室抽屜、家人屋企、或者車裏面。如果擔心家居安全，亦可將鎖匙交畀信任嘅鄰居保管。總之，永遠唔好將所有鎖匙收埋到連自己都搵唔到嘅地方。
電子鎖帶來嘅便利無庸置疑，但再穩定嘅電子產品都有機會失靈。一把可靠嘅機械鎖匙，體積細小、無需電力、不受電子干擾，喺你面對無電、壞機、天災時，係最直接、最安心嘅解決方案。
101開鎖提提你： 記住將電子鎖鎖匙當作「救生圈」，放喺適當嘅備用位置，出門前確認有帶後備匙（尤其去旅行或長時間離家）。
仲有疑問？立即聯絡專人解答
