鎖匙突然斷喺鎖芯入面，成個人企喺門口真係好無助。但記住：越急越唔可以亂做動作，否則原本好簡單嘅問題會變成整把鎖報廢。
AA超能膠、熱溶膠 — 以為可以「黐返出嚟」？
一落膠水，成個鎖芯嘅珠仔同彈弓都會黐死。最後成把鎖膽報廢，要成個鑽膽更換，成本即刻暴增。
萬字夾、髮夾、尖鉗 — 無經驗亂撐，只會將斷匙推得更入。原本仲有啲頭露出嚟，一捅就入晒，專業工具都難勾。
有後備匙嘅人好易做呢個動作。插另一條匙去頂斷匙，以為可以頂返出嚟。
結果：兩塊金屬喺鎖芯入面互卡、變形，好簡單嘅故障變成成嚿金屬塞死，最終要換鎖膽。
用細嘅鉗仔，或者鎖匠專用嘅「斷匙取出器」（有倒勾嘅幼針），輕輕勾邊位，慢慢拉出嚟。
如果屋企冇工具，可以試下用尖嘴鉗輕輕夾住，但要小心唔好夾得太緊令金屬變形。
唔好再搞，即刻搵專業鎖匠。我哋有專用螺旋取出器或倒勾針，輕鬆搞掂，價錢通常平過換鎖。師傅仲會順便檢查鎖芯有冇磨損。
101開鎖團隊配備專業斷匙取出工具，大部分情況下無需破壞鎖芯，成功取出後你仍然可以使用原有鎖匙。
